كفتة البطاطس… منقذة من غير لحمة
لو الميزانية مضغوطة ومش عارفة تعملي غدا وفي نفس الوقت يكون سهل وسريع، جربي الوصفة دي
المكونات:
٣ بطاطس مسلوقة ومهروسة
بصلة مبشورة (ومعصورة من الميّه)
بيضة
ملح – فلفل – رشة قرفة خفيفة – شطة أو بابريكا (اختياري)
شوية بقدونس مفروم
نصف كوب بقسماط علشان تمسك
الطريقة:
تهرس البطاطس المسلوقة كويس جدا وبعدين ننزل بباقي المكونات
اخلطي كل حاجة كويس لحد ما العجينة تتماسك.
شكليها على شكل كفتة صوابع أو دوائر.
رصيهم في صينية فيها مسحة زيت، وادخليهم فرن سخن ٢٠٠ درجة.
أو نقليها في الزيت او القلاية الهوائية
بعد حوالي ١٠ دقايق، قلّبيهم على الوش التاني، وسيبيهم يتحمروا شوية.
قدميها مع شوية رز أبيض، أو سلطة خضرا، أو حتى في سندوتش..
التعليقات