البسبوسة بالسمن البلدي المرملة

البسبوسة بالسمن البلدي المرملة
بسبوسه الحلوانى
المقادير :
2 كوب سميد ناعم
نص كوب لبن
معلقه كبيره عسل نحل او عسل جلوكوز او شربات حلويات
2 معلقه كبيره جوز هند (اختياري)
كوب الا ربع سكر
نص كوب سمنه او زبده
🍞الطريقه :
هنحط السكر و العسل و اللبن و نخلطهم كويس اوووي و في بوله تانيه هنحط السميد و جوز الهند و نخلطهم و ننزل عليهم بالسمنه و نخلطهم كويس نخلي السمنه تغلف السميد كويس و بعدين ننزل بالخليط التاني بتاع اللبن كويس و نقلب براحه جدا مجرد ما تتخلط يبقي كده خلاص بلاش نعجن كتير عشان متنشفش و نكون دهنين الصنيه سمنه و نحط الخليط و نفردو كده كويس و نخبط الصنيه كام خبطه كده عشان تبقي متساويه و ندخلها فرن سخن على ١٨٠ لحد لما تاخد لون دهبي من الجناب نشغل الشوايه تاخد لون و بس كده اول لما تخرخ نحط الشربات و هي سخنه
الصنيه المستخدمه مقاس ٢٦
الشربات او السيرب؛
كوب سكر
2 كوب ماء
معلقه كبيره سمنه
رشه فانيليا
🍞الطريقه :
هنحط السكر و الميه و ندوبهم شويه قبل ما نرفعهم على النار و نقلب من النص بس عشان ميسكرش و نرفعو على النار و تكون وسط و اول لما يغلي نسيبو ٥ دقايق و بعدين نرفعو من على النار و نحط السمنه و الفانيلا و نحطو علطول على البسبوسه عشان لازم يبقى هو سخن و البسبوسه
سخنه
والسر الاخير
بعد ما نسقيها هندخلها الفرن المطفي السخن عشر دقايق هتبقي طريه..