المشروب اللي هتعتمديه طول رمضان

المشروب الرمضاني الخطير لو اول مره تعرفيه

و َعملتيه تعتمديه كل يوم من حلاوته

البلح باللبن

🥛🍯 المكونات:

½ كيلو بلح (منزوع النوى وسليم)

1 لتر لبن

2 معلقة كبيرة سكر (أو حسب الرغبة) وممكن تستغني عن السكر لان البلح بيكون مسكر

رشة فانيليا

رشة قرفة أو مستكة (اختياري)

👩‍🍳 الطريقة:

اغسلي البلح كويس وانزعي النوى وخليه سليم.

حطي اللبن على النار لحد ما يسخن بس من غير ما يغلي قوي.

ضيفي البلح على اللبن.

سيبيه على نار هادية 10–15 دقيقة لحد ما البلح يطرى وينكه اللبن.

ضيفي السكر والفانيليا وقلّبي بهدوء.

لو حابة نكهة أقوى، سيبيه كمان 5 دقايق.

يتشرب دافي أو يتساب يبرد ويتحط في التلاجة.

🌙 نصايح حلوة:

لو البلح ناشف، انقعيه في شوية لبن دافي 10 دقايق قبل ما تحطيه على النار.

المستكة بتدي طعم رمضاني خطير 😍

ينفع تزودي شوية قشطة على الوش عند التقديم. 👌