كباب الدجاج التركي
أو كفتة الفراخ على أصولها…
مكونات بسيطة – من غير فرن – وطعم يخطف
أسهل وأحلى من كده مفيش
المكونات:
كيلو صدور دجاج أو أوراك مفرومة
بصلة متوسطة
حبة فلفل رومي أحمر أو أخضر
ملعقة صغيرة ثوم مفروم
قرن فلفل حامي مفروم ناعم (اختياري)
ملعقة كبيرة بابريكا
ملح + فلفل أسود
نص كوب بقدونس مفروم ناعم
👩🍳 الطريقة:
🔸 نفرم أو نبشر البصلة والفلفل الرومي ناعم
ونعصرهم كويس جدًا من الميه (دي خطوة مهمة عشان الكفتة تمسك).
🔸 في بولة كبيرة نحط
الدجاج المفروم + البصل والفلفل المصفي
ونضيف باقي المكونات كلها
ونعجن بإيدينا كويس لحد ما الخليط يبقى متجانس ويشد مع بعض 👌
🔸 نغطي البولة ونحطها في التلاجة نص ساعة
(الراحة دي بتفرق جدًا في الطعم والتشكيل).
🔸 نطلعها ونشكّل صوابع أو كرات حسب ما تحبي.
🔥 التسوية (من غير فرن):
نسخن طاسة أو صينية على النار
وندهنها بملعقتين زيت
ونرص الكفتة على نار هادية
ونقلّبها على مهِل لحد ما تستوي وتتحمّر من كل الجهات 😍
✔️ ولو حابة بالفرن:
تترص في صينية مدهونة زيت
وتدخل فرن سخن على 180 درجة لحد ما تستوي.
تتقدم مع عيش بلدي أو عيش شامي وسلطة وطماطم.
التعليقات