جلاش بالكنافه والمكسرات
لفه جلاش
ربع ك كنافه
مكسرات سوداني او بندق زي ماتحبو (نطحنهم ) و جوز هند
زبده
طريقة التحضير:
نجيب الكنافه نقطعها صغير خالص (نفتفتها يعني 😁 ) و هنجيب 5 معالق زبده نحطهم ف قلايه ع البوتاجاز و نحط عليهم الكنافه نقلب لحد ما تحمر شويه و نفتفتها برضو واحنا بنقلب و نقفل عليها و نزود 4 معالق سكر و وجوز الهند و المكسرات و نجيب معلقتين عسل او شربات تقيل ونقلبهم معاهم (الحشو دا طعمه رووعه وممكن يتاكل لوحده اصلا.
بعد كدا نسيح زبده ف طبق و نجيب بقي لفه الجلاش هناخد ورقتين فوق بعض ندهن الورقه اللي فوق بس بالزبده و نحط الحشو بطول الورقه ونلفها جامد و بعدها نقطعها ونرصها ف صنيه مدهونه بزبده وهكذا بقي ونحط زبده ع الصنيه كلها ف الاخر و ندخلها الفرن لحد ماتاخد اللون الدهبي دا ونسقيها شربات بارد
المدوره دي بنجيب خله شيش طاووق (الطويله دي ) نحطها ع ورقه الجلاش بعد ما ندهن الورقه ب زبده ونلف عليها الورقه بقي و بعدها نكشكش الورقه الملفوفه دي ونسحب الخله ونلفها حوالين نفسها زي الشكل دا كدا..
التعليقات