حلا سهل، اقتصادي، وطعمه يخلي الضيوف يسألوكي عملتيه إزاي!

✨ ميكس قمر الدين بالمهلبية… طعم يخطف القلب في رمضان 😍🌙

لو جربتي الاتنين لوحدهم قبل كده… استني لما تدوقيهم مع بعض 👌 ميكس رهيب بجد!

🌼 المكونات

🥛 المهلبية

1 لتر لبن

1 كوب سكر

5 معالق كبيرة نشا

معلقة صغيرة فانيليا

🧡 قمر الدين

200 جرام لفة قمر الدين

1 لتر ماء

كوب سكر

3 معالق كبيرة نشا

رشة زعفران بودر (عشان اللون يجنن 😍)

رشة فانيليا

👩‍🍳 الطريقة

أول خطوة نبدأ بقمر الدين 👇

نغلي لتر المياه ونضيف عليه رشة الزعفران عشان يدينا لون حلو من غير ما نزود قمر الدين ويطلع طعمه تقيل.

نضيف السكر وقطع قمر الدين ونقلب كويس لحد ما يدوب خالص ويبقى ناعم.

نضيف الفانيليا، ونكون دايبين النشا في كباية مياه على جنب، ونضيفه عليه مع التقليب المستمر لحد ما يتقل ويبقى قوامه مظبوط 👌

نرفعه من على النار ونسيبه دقيقة.

نيجي بقى للمهلبية 😍

نغلي اللبن، نضيف السكر والفانيليا ونقلب.

ندوب النشا في كباية مياه ونضيفه على اللبن وهو بيغلي مع التقليب المستمر لحد ما يتقل ويبقى كريمي وجميل.

اللمسة الحلوة بقى ✨

نصب قمر الدين والمهلبية مع بعض في الكاسات في نفس الوقت عشان يدونا شكل ميكس تحفة 🤍🧡

نسيبهم يبردوا، وبعدها يدخلوا التلاجة ساعة على الأقل.

والنتيجة؟ 😋

حلا سهل، اقتصادي، وطعمه يخلي الضيوف يسألوكي عملتيه إزاي!