كيكة البسبوسه الهشّة بالزبادي
يا جماعة… لازم تجربوا الكيكة دي!
طعم بسبوسة… بقوام كيكة… بريحة تشهّي من أول ما تطلع من الفرن!
المكونات:
٢ بيض
نص كوب سكر
نص كوب زيت
كوب زبادي
كوب سميد (دقيق بسبوسة ناعم)
كوب دقيق
١ باكو بيكنج بودر
فانيليا
للشربات الخفيف:
كوب سكر
كوب إلا ربع ماء
عصرة ليمون
(يكون دافي مش تقيل)
الطريقة:
1️⃣ اخلطي البيض والفانيليا والسكر لحد ما يفتح لونه.
2️⃣ ضيفي الزيت والزبادي وقلّبي.
3️⃣ انزلي بالسميد والدقيق والبيكنج بودر وقلّبي لحد ما الخليط يبقى ناعم.
4️⃣ صبّي في صينية مدهونة وادخليها فرن سخن ١٨٠ لمدة ٣٠–٣٥ دقيقة.
5️⃣ أول ما تطلع سخنة… اسقيها بالشربات الدافي وسيبيها ترتاح ١٠ دقايق.
قطعيها وقدميها… هتلاقي ريحة وطعم يخطفوا القلب قبل العين
التعليقات