خبز الحبة الكاملة بدون فرن 👌
طري من جوه، مورق وخفيف، ومناسب جدًا للدايت والأكل الصحي
المكونات
٤كوب دقيق قمح كامل مايعادل نصف كيلو (حبة كاملة) ٢كوب ردة ناعمة
1معلقه صغيره بيكنج بودر
1 ملعقة كبيرة خميرة فورية
1 ملعقة كبيرة عسل أو سكر
نص معلقةصغيرة ملح
٢كوب كوب ماء دافئ (حسب احتياج الدقيق)
الطريقه 👇
في بولة نخلط الخميرة مع العسل والماء الدافئ ونسيبها 5 لـ10 دقايق لحد ما تتفاعل
نضيف الدقيق والملح والبيكنج بودر ونبدأ نعجن بسيط اوي بأطراف الأصابع يادوب نلم العجينة لحد ما نحصل على عجينة طرية وناعمة
الدقيق الكامل بيحتاج العجينة تكون طرية شوية عشان يطلع العيش هش وطري
نغطي العجينة ونسيبها تخمر حوالي ساعة ونص
بعد التخمير نقسمها كور متساوية ونريحها ربع ساعة بس ، ونفرد كل كورة على شكل رغيف نفرد علي ردة كتير
ونسيب الأرغفة ترتاح نص ساعة كمان لحد ما حجمها يزيد بالعين كدة
نسخن طاسة علي نار وسط ونبدأ نسوي العيش مع التقليب على الجهتين لحد ما ينفخ وياخد لون تحمير حلو
وممكن كمان يتعمل في فرن على حرارة متوسطه بيكون انجح كتييير
فايدته 👇
غني بالألياف
يشبع لفترة طويلة
أخف على الهضم
مناسب لتنظيم السكر
بديل صحي للعيش الأبيض
التعليقات